06.12.2019г., Пятница
Գլխավոր էջ » Հոդվածներ » МЕРОПРИЯТИЯ

Միջոցառում` նվիրված Քառօրյա պատերազմի հերոսներին

 

 

Գորիսի պետական քոլեջում ապրիլի 5-ին  կայացավ «Ցավում ենք և հպարտանում» խորագիրը կրող միջոցառում՝ նվիրված ապրիլյան քառօրյա պատերազմի հերոսների հիշատակին: Միջոցառումը կազմակերպել էին՝ պատմության դասախոս Հեղինե Առաքելյանը և ուսումնակազմակերպական, հասարակայնության և լրատվության մասնագետ Քրիստինա Ադամյանը: Միջոցառմանը ներկա էին Գորիսի  զինվորական կոմիսարիատի կոմիսարի պաշտոնակատար, մայոր Արմեն Հարությունյանը, ՆԶՊ գծով կոմիսարիատի ավագ տեսուչ, սերժանտ Վիգեն Քաթանյանը, ապրիյան քառօրյա պատերազմում հերոսաբար զոհված Նարեկ Մկրչյանի հայրն ու եղբայրը՝ Վարդան և Կարեն Մկրչյանները, ինչպես նաև  միջոցառմանը  մասնակից  ուսանողների ծնողները:

Միջոցառման սկզբում ներկաները մեկ րոպե լռությամբ հարգեցին ապրիլյան քառօրյա պատերազմում զոհվածների հիշատակը: Այնուհետև, ուսանողները  հայրենասիրական  երաժշտության ներքո  քայլով  մոտեցան  պատից փակցված հերոսների լուսանկարներին, և իրենց  հարգանքի տուրքը մատուցեցին:

Ուսանողները ներկայացրեցին ապրիլյան քառօրյա պատերազմի տարեգրությունը, հանդես եկան ասմունքով, երգով և պարով: «ՀՏ և ԱՀԾԱ» մասնագիտության առաջին կուրսի ուսանող Արայիկ Մկրչյանը պատրաստել էր գրաֆիկական ներկայացում, որտեղ մեկ առ մեկ ներկայացված էր հերոս մարտիկների կյանքը: Միջոցառման ավարտին Գորիսի պետական քոլեջի տնօրեն  Կարեն Լազարյանը առանձնահատուկ շնորհակալություն հայտնեց մերօրյա իրական հերոսների ծնողներին՝ արիական դաստիարակության և հայրենիքի հանդեպ ունեցած մեծ սիրո և պատասխանատվության համար: 

Շնորհակալական խոսք ասաց կրթօջախի  ռազմագիտության դասախոս Կամո Բեգլարյանը, ինչպես նաև  անդրադարձավ քոլեջի քառօրյա պատերազմի  կենդանի լեգենդներին՝ Հարութ Բաբայանին, Վարդան Գրիգորյանին, Ռազմիկ Շեգունցին, Սմբատ Ալեքսանյանին, Վահագն Սահիլյանին, Վահագն Շալունցին: Ուսանողներին իրենց կատարած սխրագործության համար քոլեջի տնօրենությունը և Գորիսի  զինվորական կոմիսարիատը խրախուսեցին պատվոգրերով: Պատվոգրերի  հանձնումը վերապահվեց Գորիսի զինվորական կոմիսարիատի կոմիսարի պաշտոնակատար, մայոր  Արմեն Հարությունյանին: 

Այսօրինակ միջոցառումները անչափ կարևոր են բանակ-հասարակություն կապի ամրապնդման, երիտասարդ սերնդին արիության դասեր տալու և վառ, հերոսական օրինակները ներկայացնելու համար, քանի որ այնտեղ, որտեղ բանակն ու ժողովուրդը միասին են, հայրենիքն անպարտելի են:

Նմանատիպ միջոցառումների կազմակերպումը էլ ավելի է արմատավորում երիտասարդ սերնդի հայրենասիրության, ազգային միասնականության արժեհամակարգը:



Աղբյուրը: http://goriscollege.com
Կատեգորիա: МЕРОПРИЯТИЯ | Ավելացրեց: Քրիստինա_Ադամյան (13.06.2018)
Դիտումներ: 137 | - Վարկանիշ -: 0.0/0
Մեկնաբանություններն ընդամենը՝: 0
Имя *:
Email *:
Код *: